விண்ணப்பபடிவத்தில் காணப்படும் விசா வகை பற்றிய கட்டங்களை சரியான முறையில் பூரணப்படுத்தவும்

1. (S), (D), (M) என்பனமுறயே ஒற்றை, இரட்டை, பல, எனப்படும் இந்திய பிரயாண ஒழுங்கு பதிவுகளாகும். (3M), (6M), (12M) என்பன விசா விண்ணப்பிக்கும் கால எல்லையாகும். உங்களுடைய கடவுச்சீட்டின் செல்லுபடியாகும் காலத்தை கவனத்தில் கொள்க. [ T ], [ B ], [ M ], [ MX ], [ S ], [ E ], [ TR ], [ R ], [ C ], [ J ], மற்றும் [ X ] ஆகியவையே விசா வகைகள் ஆகும்.
2. விசா விண்ணப்பப்படிவம் இலவசமாக விநியோகிக்கப்படும். விண்ணப்பத்தின் நகல்களும் ஏற்றுக்கொள்ளப்படும்
3. விசா விண்ணப்பப்படிவம் விண்ணப்பதாரியினால் மாத்திரமே சமர்ப்பிக்கப்படல் வேண்டும்
4. விண்ணப்பப்படிவத்தின் எல்லா பகுதிகளும் சரியாகவும் மிகக் கவனமாகவும் நிரப்பப்படவேண்டும், பூர்த்தி செய்யப்படாத படிவங்கள் நிராகரிக்கப்படும்
5. தேசிய அடையாலஅட்டையின் அல்லது பிறப்பத்தாட்சிப்பத்திரத்தின் பிரதி விண்ணப்பப்படிவத்துடன் சமர்ப்பித்தல் வேண்டும். மூலப்பிரதி நேர்முகப்பரீட்சையின் போது சமர்ப்பிக்கப்படல் வேண்டும்
6. பழைய கடவுச்சீட்டுக்களும் (மூலப்பிரதிகள் காட்டப்படல் வேண்டும்), இரட்டை பிராஜாவுரிமை/ வதிவிட உரிமை (பிரதிகள் இணைக்கப்பட வேண்டும்) இருப்பின் அவை தொடர்பான தகவல்கள் வழங்கப்படவேண்டும்
7. இரட்டை பிரஜாவுரிமையுடைய விண்ணப்பதாரிகள் இரண்டு கடவுச்சீட்டுக்களையும், பிரதிகளையும் சமர்ப்பித்தல் வேண்டும்
8. விண்ணப்பங்கள் ஏற்றுக் கொள்ளப்படுவதனால் விசா வழங்கப்படும் என்பதற்காக உத்தரவாதம் இல்லை
9. விசா கட்டணம் மீள அளிக்கப்பட மாட்டாது, விண்ணப்பம் மீள பெறப்பட்டாலோ அல்லது விசா நிராகரிக்கப்பட்டாலோ கட்டணம் மீளளிக்கப்பட மாட்டாது
10. விண்ணப்பித்த விசா கிடைத்தவுடன் மாத்திரமே உங்கள் பயண ஒழுங்குகளை செய்யவும்
11. கடவுச்சீட்டை பெற்றுக்கொள்ளும் போதும் பயணத்திற்கு முன்பும் உங்கள் விசா, பற்றுசீட்டு தகவல்களை சரிபார்த்தல் உங்கள் கடமையாகும்
12. தகவல்களை மறைத்தலும், பிழையான தகவல்களை வழங்குதலும் காரணம் கூறப்படாமல் விசா நிராகரிக்கப்படுவதற்கு ஏதுவாக அமையும்
13. விசா வழங்கப்படுதல் நாட்டிற்குள் நுழைவதற்கான அனுமதி/ உரிமை ஆகாது. அது குடிவரவு குடியகல்வு அதிகாரிகளின் முடிவை பொறுத்தே அமையும்
14. இலங்கைப்பிரஜை அற்றவர்களும் இலங்கையை வதிவிடமாக கொள்ளாதவர்களும் விண்ணப்பிக்கும் போது கடவுச்சீட்டின் பிரதிகள், மற்றும் மேலதிகமான தொலை நகல் (FAX Reference Form) படிவம் சமர்ப்பிக்கப்பட வேண்டும் (எமது இணையதளத்தில் பெற்றுக்கொள்ளலாம்)
15. இலங்கைக்கான வதிவிட விசா இல்லாத வெளிநாட்டு பிரஜைகளின் விசா ( குறைந்தது 1 வருடம்), கட்டணம் எதுவாக இருப்பினும் அதன் விசா தன்மை, கால எல்லை, பதிவுகளின் எண்ணிக்கை என்பன மாற்றமடைவதற்கான வாய்ப்புக்கள் உண்டு
16. ஏற்கெனவே செல்லுபடியாகும் ஒரு விசா இருக்கும் போது புதிதாக விண்ணப்பித்தால் பழைய விசா தன்னிச்சையாக இரத்து செய்யப்படுவதுடன் அதற்கான கட்டணம் மீளளிக்கப்படமாட்டாது
17. குழந்தைகள் ( எவ்வயதினயினும் ) இந்தியாவிற்கு பயணிக்க வேண்டுமாயின் தங்கள் பெயர் கொண்ட தனிப்பட்ட கடவுச்சீட்டுக்களை வைத்திருப்பது அவசியம்
18. கீழ் வரும் சந்தர்ப்பங்களில் விசா செயல் முறை தாமதமாகும். ( குறைந்தது 5 வேலை நாட்கள் )

• வெளிநாட்டு வதிவிட விசாக்களை பெற்றுக்கொண்ட இலங்கையர்
• கடந்த 12 மாதங்கள் இலங்கையில் வசிக்காத விண்ணப்பதாரிகள்
• இந்தியாவின் நுழைவு அனுமதி பெற்றுக்கொள்ள வேண்டிய கட்டாயம் ஏற்படும் போது
• பாதுகாக்கப்பட்ட/ கட்டுப்படுத்தப்பட்ட இடங்களுக்கு பயணிப்பவர்கள் (இணையதளத்தில் மேலதிக தகவல்களை பெறலாம்)
• சில நேரங்களில் ஆவணங்கள் மீள் பரிசோதனைக்குட்படுத்தப்பட வேண்டிய கட்டாயம் ஏற்படும் போது

19. பிழையான தகவல்களை வழங்குதல், தகவல்களை மறைத்தல், போலி ஆவணங்களை சமர்ப்பித்தல் விசாவுக்காக ஆதரவு வழங்கல் மற்றும் விசா கால எல்லை முடிந்ததும் தொடர்ந்தும் தங்கியிருத்தல், விசா ஒழுங்கை பிரத்திக்சேபனை செய்தல் என்பன விசா பெற தகுதியின்மையாகும்
20. இந்திய விளையாட்டு கழகமொன்று ஒரு வெளிநாட்டு விளையாட்டு கழகத்திற்கோ அமைப்பிற்கோ அல்லது தனிப்பட்ட ஒரு விளையாட்டு வீரருக்கோ அழைப்பு விடுக்கும் போது இந்திய விளையாட்டு, இளைஞர் விவகார அமைச்சிடம் இருந்து அனுமதியை பெற்றுக்கொள்ளல் அவசியமாகும்
21. இந்தியாவில் உள்ள பாதுகாக்கப்பட்ட அல்லது கட்டுப்படுத்தப்பட்ட இடங்களுக்கு செல்ல விரும்பும் விண்ணப்பதாரிகள் உயர்ஸ்தானிகராலயத்தினால் வழங்கப்படும் விசேட அனுமதி படிவத்தையும் விண்ணப்பத்தையும் சமர்ப்பித்தல் வேண்டும்
22. செல்வத்ற்கான காரணம் தெளிவற்று, மாற்றமடையும் போதும் மற்றும் விசா நிராகரிக்கப்பட்டிருப்பினும் புதிய விண்ணப்பங்கள் ஏற்றுக்கொள்ளப்படாது
23. முன்னய கடவுச்சீட்டு காணாமல்/ களவாடப்பட்டிருப்பின் அதற்காக பொலிஸ் நிலையத்தில் முறைப்பாடு செய்யப்பட்ட பிரதி தற்போதய செல்லுபடியாகும் கடவுச்சீட்டுடன் சமர்ப்பிக்கப்படல் வேண்டும்
24. இந்திய உயர்ஸ்தானிகராலயத்திற்கு தொலைநகல் (FAX) மின்னஞ்சல் மூலம் அனுப்பப்படும் விண்ணப்பங்கள் ஏற்றுக்கொள்ளப்பட மாட்டாது விசா மற்றும் எனைய கட்டணங்கள் செலுத்தப்பட்டதன் பின்பே விசா செயல் முறை ஆரம்பமாகும். விசா கட்டணம் மீள் செலுத்தப்படாது என்பதனை கவனத்தில் கொள்க
25. விசா வழங்கப்பட்ட திகதியில் இருந்தே அதன் கால எல்லை கணக்கிடப்படும்
26. இந்திய உயர்ஸ்தானிகரகத்திற்கு காரணம் எதுவும் இன்றி விசாவை தாமதிப்பதற்கும், நிராகரிப்பதற்கும் பூரண உரிமை உண்டு. விசாவுக்கான சகல பரிசோதனை தீர்வுகளின் படியே விசா வழங்கப்படும்
27. இந்திய உயர்ஸ்தானிகராலயத்திற்கு, விசாக்களை வழங்குவதற்கும், நிராகரிக்கப்பதற்கும், அதன் தன்மை, செல்லுபடியாகும் காலம், பதிவுகளின் எண்ணிக்கை என்பவற்றைத் தீர்மானிக்கும் உரிமையும் உண்டு (செலுத்தப்பட்ட கட்டணம் எதுவாக இருப்பினும்)